کراچی: الخدمت فاونڈیشن ویمن ونگ ٹرسٹ پاکستان نے مزید تین کروڑ روپے کا چیک فلسطین امداد کے لئے دے دیا، الخدمت فاونڈیشن ویمن ونگ ٹرسٹ کی جانب سے فلسطین کو اب تک مجموعی طور پر چار کروڑروپے کی امداد فراہم کی جاچکی ہے۔
تفصیلات کے مطابق الخدمت فاونڈیشن ویمن ونگ ٹرسٹ پاکستان کی سیکریٹری جنرل صبا ثاقب نے فلسطین امداد کے لیے 3 کروڑروپے کا چیک الخدمت فانڈیشن پاکستان کے مرکزی سیکریٹری انجم جعفری کو دے دیا، الخدمت ویمن ایک کروڑ روپے کا چیک پہلے ہی فلسطین امداد کے لئے دے چکی ہے ۔
صبا ثاقب نے کہا کہ اس وقت فلسطین کے عوام کو اسرائیل کی جانب سے دنیا کی بدترین دہشت گردی کا سامنا ہے ۔فلسطینی بچوں ِخواتین اور سپتالوں کو نشانہ بنایا جارہا ہے۔مسلم امہ کی ذمہ داری ہے کہ جنگ رکوانے میں متحد ہو کر دار ادا کرے، فلسطینی مسلمانوں کو تنہا نہیں چھوڑے گا اور امداد کا سلسلہ جاری رکھا جائے گا۔
