مقبوضہ بیت المقدس: غزہ میں لڑائی کے دوران حماس کے خوف سے اسرائیلی فوجیوں کے فرار ہو جانے کا انکشاف ہوا ہے، جس پر 2 فوجی افسران کو برطرف کردیا گیا ہے۔
اسرائیلی اخبار کی رپورٹ کے مطابق شمالی غزہ میں حماس کی کارروائی کے دوران مزاحمتی تنظیم کے خوف سے فرار ہونے والے فوجیوں کی کمان کرنےوالے 2 افسران کو برطرف کردیا گیا ہے۔ اخبار کے مطابق فرار ہونے والے 50 فی صد فوجی تاحال اپنے یونٹ میں واپس نہیں آئے۔
برطرف کیے گئے اسرائیلی فوجی افسران نے اعتراف بھی کیا ہے کہ فوجیوں کو اس وقت مشن پر بھیجا گیا جب وہ پہلے ہی آرام کیے بغیر غزہ میں کارروائی کر رہے تھے۔ اس ماحول کے باعث فوجیوں کو مشکلات کا سامنا تھا۔
اسرائیلی اخبار نے فوج کے بیان کا حوالہ دیتے ہوئے بتایا کہ فوجیوں میں اعتماد کا بحران بڑھ رہا ہے۔
