اسلام آباد: الیکشن کمیشن آف پاکستان نے کہا ہے کہ انتخابات میں تاخیر کے حوالے سے پھیلنے والی خبریں گمراہ کن اور بے بنیاد ہیں۔
نجی ٹی وی کی رپورٹ کے مطابق ترجمان ای سی پی نے اپنے بیان میں کہا ہے کہ ذرائع ابلاغ پر انتخابات میں تاخیر سے متعلق آنے والی خبریں درست نہیں۔ الیکشن کمیشن ایسی خبروں کی تردید کرتا ہے۔ انتخابی فہرستوں کی تیاری نہ ہونے کے حوالے سے خبر بالکل جھوٹ پر مبنی ہے۔
ترجمان کے مطابق الیکشن کمیشن نے جھوٹی خبریں پھیلانے والوں کے خلاف پیمرا سے رجوع کرنے کا فیصلہ کیا ہے تا کہ گمراہ کن خبریں پھیلانے والوں کے خلاف قانونی کارروائی عمل میں لائی جاسکے۔ اس سلسلے میں مختلف چینلز پر چلنے والی خبروں کی ٹرانسکرپٹ اور ریکارڈنگ منگوا لی ہیں، جس کے بعد پیمرا میں کارروائی کے لیے درخواست دی جائے گی۔
