واشنگٹن :اسرائیلی جارحیت کے خلاف اور غزہ کے ساتھ یکجہتی کیلیے دنیا بھر کے 127 سے زائد شہروں میں ہزاروں افراد نے فلسطینیوں کی نسل کشی کو روکنے کے خلاف احتجاجی مظاہرے کیے، جس میں مطالبہ کیا گیا کہ اسرائیل کو فوری طور پر جنگ بندی کے لیے پابند کیا جائے۔
میڈیا رپورٹس کے مطابق بغداد، مراکش، استنبول، واشنگٹن، سڈنی، ڈبلن، برلن، پیرس، ویانا، برازیلیا اور کیپ ٹاؤن سمیت دیگر مغربی کے دارالحکومت میں اسرائیلی جارحیت کے خلاف اور فلسطینیوں سے اظہار یکجہتی کیلیے مظاہرے کیے گئے، جس میں مظاہرین نے ہاتھوں میں پلے کارڈ اور بینر ز اٹھا رکھے تھے، جس پر اسرائیلی جارحیت کے خلاف نعرے درج تھے۔
مظاہرین کے شرکاء نے اسرائیلی درندگی کے خلاف شدید نعرے بازی کرتے ہوئے کہاکہ مغربی ممالک کی طرف سے اسرائیل ایک مجرم ریاست ہے، جس کی سرپرستی کو مغربی ممالک کے عوام واضح طورپر مسترد کرتے ہیں۔
The post غزہ میں اسرائیلی جارحیت کیخلاف دنیا بھر میں احتجاجی مظاہروں کا سلسلہ جاری appeared first on Daily Jasarat News.
