کوئٹہ: بلوچستان میں کچلاک کے علاقے کلی کتیر میں دھماکے کے نتیجے میں 4افراد زخمی ہوگئے، دھماکا ہوتے ہی ریسکیو ٹیمیں جائے وقوع پر پہنچ گئیں۔
میڈیا رپورٹس کے مطابق بلوچستان میں ہونے والے دھماکے میں ایگل اسکواڈ کا اہلکار بھی زخمی ہوا ہے، جسے فوری طبی امداد کے لیے قریبی اسپتال میں داخل کرادیا گیا ہے، ضلعی حکومت نے دھماکا ہوتے ہی اطراف کے اسپتالوں میں ایمرجنسی نافذ کردی ہے۔
دھماکا ہونے کے بعد قانون نافذ کرنے والے اداروں نے علاقے کو گھیرے میں لے کر ناکا بندی کردی ہے، دھماکے کی نوعیت معلوم کرنے کے لیے تحقیقات شروع کردیں ہیں، قانون نافذ کرنے والے اداروں نے فوری طور پر بم اسکواڈ کی ٹیم کو طلب کیا ہے۔
