مقبوضہ بیت المقدس: لبنان کی مزاحمتی تنظیم حزب اللہ نے شمالی اسرائیل کے فوجی تنصیبات پر گائیڈڈ میزائلوں اور ڈرون سے حملہ کیا، جس کے نتیجے میں 14 اسرائیلی فوجی زخمی ہوگئے۔
الجزیرہ کے مطابق حزب اللہ کا کہنا ہے کہ اسرائیلی فوجی تنصیبات پر حملہ عین البال اور شہابیہ میں مزاحمت کار سپاہیوں کی شہادت کا بدلہ لینے کے لیے کیا گیا۔
حزب اللہ کی جانب سے جاری بیان کے مطابق 17 اپریل کو انہوں نے اسرائیلی قصبے میں فوجی تنصیباب پر گائیڈڈ میزائل اور ڈرون کے ذریعے حملہ کیا۔
دوسری جانب اسرائیل نے بھی حملوں کی تصدیق کرتے ہوئے کہا کہ ان کے 14 فوجی زخمی ہوگئے ہیں جن میں 6 کی حالت تشویش ناک ہے۔
