لاہور کی احتساب عدالت نے وزیرا علی پنجاب حمزہ شہباز شریف کی رمضان شو گر مل کیس میں ایک روزہ حاضری معافی کی درخواست منظور کرلی۔
تفصیلات کے مطابق احتساب عدالت کے ڈیوٹی جج ندیم گلزار نے ریفرنس پر سماعت کی، عدالت میں شہباز شریف کے نمائندے انوار حسین نے پیش ہو کر حاضری مکمل کروائی۔
ذرائع کے مطابق درخواست میں موقف اپنایا گیا کہ حمزہ شہباز کی طبیعت ناساز ہے جس کے باعث وہ پیش نہیں ہو سکتے۔
بعد ازاں لاہور کی احتساب عدالت نے حمزہ شہبازکی درخواست منظور کرتے ہوئے کیس کی مزید سماعت 6 جون تک ملتوی کردی۔
