لاہور:صوبائی وزیر اطلاعات پنجاب عظمی بخاری نے ناروال میں لیگی کارکن کے قتل پر اظہار تعزیت کرتے ہوئے کہا ہے کہ تحریک انصاف ( پی ٹی آئی ) کے غنڈوں نے تشدد سے لیگی کارکن قتل کیا۔
صوبائی وزیر اطلاعات نے کہا کہ تحریک انصاف کے غنڈوں نے حسب روایت اپنی غنڈہ گردی کا مظاہرہ کیا ہے،شکست کے خوف سے یہ باؤلے ہوگئے ہیں، گرفتار ملزم کے خلاف قانونی کارروائی کی جائے گی۔
انہوں نے کہا کہ فتنہ پارٹی نے رونا دھونا شروع کردیا،ان لوگوں کو بار بار جیت کا چسکا لگاتھا کیونکہ یہ ہمیشہ دھاندلی سے جیتے تھے، اب انکو دھاندلی کے لیے سہولتکاری میسر نہیں اس لیے غنڈہ گردی اور قتل و غارت گری پر اتر آئے۔
