لاہور: ایرانی صدر ڈاکٹر سید ابراہیم رئیسی پاکستان کے 3 روزہ سرکاری دورے پر آج لاہور پہنچ گئے۔
لاہور پہنچنے پر وزیراعلیٰ پنجاب مریم نواز شریف نے ان کا پرتپاک استقبال کیا اور بچوں نے انہیں گلدستہ پیش کیا۔ مریم نواز نے پنجاب کابینہ کے ارکان کا ایرانی صدر سے تعارف کرایا۔
بعد ازاں ایرانی صدر نے پاکستان کے قومی شاعر ڈاکٹر محمد اقبال کے مزار پر حاضری دی۔
انہوں نے قبر پر پھولوں کی چادر چڑھائی اور شاعر مشرق کو خراج عقیدت پیش کیا۔
ایرانی صدر نے مہمانوں کی کتاب میں اپنے تاثرات درج کئے۔
