ویسٹ انڈیز ویمنز نے ٹی 20 سیریز میں پاکستان کو شکست دے کر سیریز اپنے نام کرلی۔
نجی ٹی وی کے مطابق ویسٹ انڈیز کی ویمنز ٹیم نے پاکستان کو تیسرے ٹی 20 میچ میں 2 رنز سے شکست دے کر سیریز جیت لی۔ ویسٹ انڈیز نے پاکستان ویمنز ٹیم پر 3-0 سے برتری حاصل کی ہے۔
پاکستان کی ٹیم 133 رنز کے تعاقب میں 130 رنز ہی بنانے میں کامیاب ہوئی ۔ ویسٹ انڈیز کی ہیلی میتھیوز 68 رنز بنا کر نمایاں رہیں جب کہ ندا ڈار نے 17 اور عالیہ ریاض نے صرف ایک رن بنایا ۔
پاکستان کی جانب سے سدرہ امین 63 رنز بنانے میں کامیاب ہوئیں لیکن وہ ٹیم کو جیت نہیں دلا سکیں ۔
