اسلام آباد: وفاقی حکومت کی جانب سے دائر کی گئی فیض آباد دھرنا کیس میں نظرثانی کی اپیل سپریم کورٹ نے سماعت کے لیے مقرر کردی۔
نجی ٹی وی کی رپورٹ کے مطابق چیف جسٹس سپریم کورٹ جسٹس قاضی فائز عیسیٰ کی زیرسربراہی عدالت عظمیٰ کا 3 رکنی بینچ 6 مئی کو حکومت کی نظرثانی کی اپیل پر سماعت کرے گا۔
سپریم کورٹ بینچ میں چیف جسٹس کے علاوہ جسٹس سعادت عرفان خان اور جسٹس نعیم اختر افغان بھی شامل ہیں، عدالت نے متعلقہ فریقن کو نوٹس جاری کر دیے ہیں۔
