پشاور: اسد قیصر نے کہا ہے کہ پاکستان تحریک انصاف کے کسی کے ساتھ کوئی مذاکرات نہیں ہو رہے۔
نجی ٹی وی سے گفتگو کرتے ہوئے سابق اسپیکر قومی اسمبلی اور پی ٹی آئی کے رہنما اسد قیصر کا کہنا تھا کہ پاکستان تحریک انصاف کی بیک ڈور چینلز میں بھی کوئی بات چیت نہیں ہورہی۔
ان کا کہنا تھا کہ شیر افضل مروت کو سیاسی کمیٹی سے ہٹانے سے متعلق معلومات نہیں، شیر افضل پارٹی کا اہم ورکر ہے اور ان کی پارٹی کیلئے خدمات ہیں، ایک پارٹی کو فائدہ دیکر جعلی حکومت بنائی گئی، ہم اپنے مؤقف سے پیچھے نہیں ہٹیں گے۔
اسد قیصر نے کہا کہ ملک تب آگے بڑھے گا جب قانون کی عمل داری ہوگی، 9 مئی کو بہانہ بنا کر ہمیں نشانہ بنایا گیا۔
