اسلا م آباد:کراچی میں نویں اور دسویں جماعت کے امتحانات کے دوران کئی کئی گھنٹوں کی طویل لوڈشیڈنگ پر نیپرا نے کے الیکٹرک سمیت تمام ڈسکوز کو ہدایات جاری کردیں۔
میڈیا رپورٹس کے مطابق ترجمان نیپرا کا کہنا ہے کہ شکایات موصول ہوئیں ہیں کہ امتحانی سیشنز کے دوران تقسیم کار کمپنیاں لوڈ شیڈنگ کررہی ہیں، پرنٹ میڈیا اور الیکٹرانک میڈیا سمیت مختلف چینلز کے ذریعے بھی ہم آپڈیٹ ہوئے۔
انہوں نے کہا کہ امتحانی سیشنز کے دوران بلاتعطل بجلی کی فراہمی کی اہم اہمیت کو تسلیم کرنا زیادہ اہم ہے، کوئی بھی رکاوٹ طلبا کی کارکردگی اور ارتکاز کو بری طرح متاثر کرسکتی ہے، ہم نے تقسیم کار کمپنیوں کو ہدایت کی کہ وہ لوڈ شیڈنگ کی تمام سرگرمیوں، خاص طور پر امتحانی پرچوں کی مدت کے دوران دوبارہ دیکھیں۔
نیپرا نے مزید کہا کہ ہدایت پر عمل کرنے میں ناکامی کے نتیجے میں مزید ریگولیٹری کارروائی ہوسکتی ہے۔
