لاہور ہائی کورٹ نے بانی پاکستان تحریک انصاف عمران خان کی زمان پارک کے باہر کارسرکار میں مداخلت کے مقدمے میں عبوری ضمانت کنفرم کردی۔
جسٹس امجد رفیق نے 5 لاکھ روپے کے مچلکوں کے عوض ضمانت کنفرم کی، بانی پی ٹی آئی کی جانب سے بیرسٹر سلمان صفدر عدالت میں پیش ہوئے۔
اس موقع پر جسٹس امجد رفیق نے ریمارکس دیے کہ بانی پی ٹی آئی اس وقت جیل میں سزا یافتہ قیدی ہیں، جیل میں سزا یافتہ قیدی کی عبوری ضمانت ملزم کے پیش ہوئے بغیر بھی سنی جاسکتی ہے۔
