قومی کرکٹ ٹیم کے کپتان بابر اعظم اور وکٹ کیپر بیٹر محمد رضوان نے آئی سی سی ٹی20 ورلڈ کپ کے لیے نئے بیٹ بنوا لیے۔
بابر اعظم اور محمد رضوان اپنی پسند کے بیٹ بنوانے کے لیے انگلینڈ کے شہر لیڈز سے سسیکس گئے۔ دونوں بیٹرز نے فیکٹری میں کئی گھنٹے گزارے اور بڑی سوچ بچار کے بعد اپنی پسند اور ضرورت کے بیٹ بنوائے۔
اس حوالے سے دونوں کرکٹرز کا کہنا ہے کہ بیٹ خود بنوائے ہوں تو پھر کھیلنے کا بھی اپنا مزہ ہوتا ہے۔
واضح رہے کہ آئی سی سی ٹی ٹوئنٹی ورلڈکپ 2 جون سے امریکا اور ویسٹ انڈیز میں کھیلا جائے گا۔
