اسلام آباد: وزیراعظم شہباز شریف نے پاور ڈویژن کو بجلی تقسیم کار کمپنیوں میں ڈپٹی ڈائریکٹر وفاقی تحقیقاتی ایجنسی( ایف آئی اے) اور انٹیلی جنس افسران کو مستقل تعینات کرنے کی ہدایات کی ہیں
میڈیارپورٹ کے مطابق حکومت نے بجلی کمپنیوں کے بورڈ میں سیاسی بنیادوں پر تعینات ڈائریکٹرز کو فارغ کرنے کا فیصلہ کرتے ہوئے کہا ہے کہ ایف آئی اے ڈپٹی ڈائریکٹر بجلی تقسیم کار کمپنیوں کے کرپٹ افسران کے خلاف کیس تیار کرائے گا جبکہ ایڈیشنل ڈائریکٹر جنرل ایف آئی اے ہیڈکوارٹر کی سطح پر کوارڈینیشن اور مانیٹرنگ کرے گا۔
وزیراعظم کی ہدایات کے بعد پاور ڈویژن نے احکامات پر ایکشن شروع کرتے ہوئے کرپٹ افسران کے خلاف گھیرا تنگ کردیا ہے۔
