اسلام آباد:سابق چیف جسٹس میاں ثاقب نثار کا کہنا ہے کہ جو نواز شریف نے کہا میں اس کا جواب یا اس پر کوئی تبصرہ نہیں کروں گا،کسی کے کہنے سے کیا ہوتا ہے،جو سچ ہے وہ سب جانتے ہیں۔
میڈیا سے گفتگو کے دوران سابق چیف جسٹس میاں ثاقب نثار نے مسلم لیگ (ن) کے صدر کے بیان پر تبصرہ کرنے سے گریز کرتے ہوئے کہا کہ میں ایسی کسی بات کا جواب دینا نہیں چاہوں گا،جو سچ ہے وہ سب جانتے ہیں،ہر بندے کو آزادی اظہار رائے حاصل ہے۔
انہوں نے مزید کہاکہ نواز شریف بھی اپنے خیالات کے اظہار میں آزاد ہیں،جو نواز شریف نے کہا میں اس کا جواب یا اس پر تبصرہ نہیں کروں گا۔
