لندن:انگلینڈ ٹیم کے سابق کپتان آئن مورگن نے ٹی 20 ورلڈ کپ میں بھارتی ٹیم کو فیورٹ قرار دے دیا۔
خبر رساں ایجنسی کے مطابق اسپورٹس چینل سے بات کرتے ہوئے کمنٹیٹر اور سابق کرکٹر آئن مورگن کا کہنا تھا کہ رواں سال ہونے والے ٹی 20 کے عالمی کپ میں شریک ہونے والی ٹاپ ٹیموں میں سب سے مضبوط اسکواڈ بھارت کا ہو سکتا ہے۔ انہوں نے کہا گو کہ بھارت پہلے ایونٹ کے بعد کسی ٹائٹل میں کامیابی حاصل نہیں کر سکا ہے لیکن بھارت کا اس وقت اسکواڈ بہت مضبوط ہے اور یہی وجہ ہے کہ وہ ٹی ٹوئنٹی ورلڈ کپ 2024ء میں فیورٹ ہوگا۔
مورگن نے اپنی گفتگو میں مزید کہا کہ اگر بھارتی ٹیم توقعات کے مطابق اپنی کارکردگی دکھاتی ہے تو وہ ایونٹ میں کامیابی سمیٹ سکتی ہے۔ انہوں نے کہا کہ انگلش ٹیم بھی باصلاحیت اور فارم میں ہے وہ بھی ٹورنامنٹ کا دفاع کرنے جا رہی ہے، انہیں کچھ انجریز کا خدشہ ہے مگر پھر بھی جوزبٹلر کی کپتانی میں کھلاڑی اچھی کارکردگی دکھائیں گے۔
