پشاور: تحریک انصاف( پی ٹی آئی) حکومت نے اپنے ہی سابق وزیراعلی خیبرپختونخوا محمود خان کے منظور کردہ منصوبوں کو ختم کرنے کا فیصلہ کرلیا۔
خیبرپختونخوا حکومت کی جانب سے سابق وزیراعلی محمود خان کے سوات میں جاری 15 سے زائد منصوبے ختم کرنے کا فیصلہ کیا گیا ہے۔
سوات میں جاری 18 ارب 25 کروڑ روپے سے زائد کے منصوبوں پر کام روک دیا گیا، ان منصوبوں میں سیاحت کے 2 ارب روپے اور سیف سٹی سوات پراجیکٹ کے منصوبے بھی شامل ہیں۔
واضح رہے کہ تحریک انصاف کی سابق حکومت نے ان منصوبوں کو منظور کروایا تھا اور ان پر کام بھی شروع کیا گیا تھا۔
