اسلام آباد : پاکستان ریلوے نے عید الاضحی پر 3 اسپیشل ٹرینیں چلانے کا فیصلہ کیا ہے،اس ضمن میں 14، 15 اور 16 جون کو عید اسپیشل ٹرینز کا شیڈول بھی جاری کر دیا گیا۔
میڈیا رپورٹس کے مطابق ترجمان ریلوے کے مطابق پہلی عید اسپیشل ٹرین 14 جون کو شام 6 بجے کراچی سے لاہور کے لیے روانہ ہو گی۔دوسری اسپیشل ٹرین 15 جون کو صبح 10 بجے کوئٹہ سے براستہ لاہور راولپنڈی جائے گی جبکہ تیسری ٹرین 16 جون کو رات 9 بجے کراچی سے ملتان اور ساہیوال سے ہوتے ہوئے لاہور پہنچے گی۔
دوسری جانب ریلوے انتظامیہ نے عید اسپیشل ٹرینوں کے حوالے سے انتظامات کو حتمی شکل دے دی ہے۔
