لاہور: گورنر خیبر پختونخوا فیصل کریم کنڈی نے کہا ہے کہ اگر مولانا فضل الرحمان پاکستان تحریک انصاف کے ساتھ بیٹھے تو یہ قیامت کی نشانی ہوگی، ہم تو انتظار کررہے ہیں کہ مولانا اور علی امین گنڈا پور ایک ٹرک پر عوام سے خطاب کریں۔
لاہور میں میڈیا سے گفتگو کرتے ہوئے گورنر خیبر پختونخوا فیصل کریم کنڈی کا کہنا تھا کہ صوبے کی حکومت نے بجٹ میں تعلیم کیلئے 3 ارب رکھے تھے، خرچ ایک روپیہ نہیں کیا، وزیر اعلیٰ کی مجبوریوں کا احساس ہے۔
فیصل کریم کنڈی نے کہا کہ اب وزیر اعلیٰ علی امین گنڈا پور کے سخت جملوں کا جواب نہیں دوں گا، پارٹی نے جو ٹاسک دیا ہے وہ پورا کروں گا ،ان سے کہوں گا مذاکرات کے ذریعے مسائل کا حل تلاش کریں ، بات چیت ان سے ہونی چاہیے جو آئین کو مانتے ہیں۔
