اسرائیلی فوج نے گزشتہ 24 گھنٹوں کے دوران غزہ پر حملے کرکے مزید 8 فلسطینیوں کو شہید کردیا۔
عرب میڈیا کے مطابق صیہونی فورسز نے خان یونس اور رفع میں بھی فضائی اور زمینی حملے کیے، جس کے نتیجے میں 3 فلسطینی شہید ہوگئے۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 37 ہزار 431 تک پہنچ گئی ہے۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 85 ہزار 653 سے تجاوز کر گئی ہے۔
