اسلام آباد:بین الاقوامی مالیاتی فنڈ نے نئے مالی سال کے وفاقی بجٹ میں حکومت کی جانب سے کیے گئے سخت معاشی فیصلوں کی تعریف کرتے ہوئے انہیں خوش آئند قرار دیا ہے۔
نجی ٹی وی کی رپورٹ کے مطابق آئی ایم ایف کے ساتھ پاکستان کے ورچوئل مذاکرات میں پیش رفت ہوئی ہے، جس میں عالمی مالیاتی فنڈ نے وفاقی بجٹ کو درست قرار دیتے ہوئے سیاسی جماعتوں کے مثبت کردار کی تعریف کی ہے۔
آئی ایم ایف نے معیشت کی بہتری کے لیے ٹیکس چھوٹ کو محدود کرنے کو سراہا۔ ذرائع کے حوالے سے رپورٹ میں مزید کہا گیا ہے کہ آئی ایم ایف کا وفد نئے قرض پروگرام پر بات چیت کے لیے جون کے آخری ہفتے میں پاکستان آ سکتا ہے۔
پاکستان نے نئے پروگرام سے قبل پیشگی شرائط پر عمل درآمد کیا ہے۔ آئی ایم ایف کو توقع ہے کہ آئندہ مالی سال کا بجٹ 28 یا 29 جون تک منظور ہو جائے گا۔
