نئی دہلی (انٹرنیشنل ڈیسک) بھارت میں آتشبازی کا سامان بنانے والی فیکٹری میں دھماکے سے 4 افراد ہلاک ہوگئے۔ بھارتی میڈیا کے مطابق دھماکا ریاست تمل ناڈو میں واقع آتشبازی کا سامان بنانے والی نجی فیکٹری میں ہوا جس سے عمارت کا ایک حصہ گرگیا ،جب کہ قریب کھڑی گاڑیوں میں آگ بھڑک اٹھی۔ رپورٹ میں بتایا گیا ہے کہ دھماکا ممکنہ طور پر کیمیائی ملاپ سے ہوا تاہم حکام کی جانب سے دھماکے کی وجوہات کے بارے میں کوئی موقف سامنے نہ آسکا۔دوسری جانب تمل ناڈو کے وزیراعلیٰ ایم کے اسٹالن نے واقعے پر دکھ کا اظہار کرتے ہوئے ہلاک افراد کے ورثا کے لیے 4 لاکھ روپے امداد کا اعلان کیا۔
