کراچی: وزیراطلاعات سندھ شرجیل میمن اور صوبائی وزیر توانائی ناصر حسین شاہ نے مشترکہ پریس کانفرنس کرتے ہوئے کہا ہے کہ منہ توڑ جواب دینا ہمیں بھی آتا ہے، گورنر سندھ کامران ٹیسوری مستعفی ہوں۔
شرجیل میمن نے کہاکہ حلفیہ کہتے ہیں ایم کیو ایم نے کبھی کسی باضابطہ ملاقات میں کوٹہ سسٹم ختم کرنے کا مطالبہ نہیں کیا متحدہ کی رابطہ کمیٹی میں آدھے سے زیادہ سرکاری ملازم بیٹھتے ہیں۔
ناصر شاہ نے کہا کہ ماضی میں سارے ٹارگٹ کلرز واٹربورڈ اور کے ایم سی کے ملازم ہوتے تھے، خالد مقبول کی سیاسی حیثیت صفر ہے، سیاست سے کنارہ کشی اختیارکرنے والوں کی دم ٹیڑھی کی ٹیڑھی ہے۔
