لاہور: پاکستانی کرکٹ ٹیم کے وکٹ کیپر بلے باز محمد حارث پری سیزن کیمپ سے دستبردار ہوگئے۔
قومی بیٹر محمد حارث پری سیزن کیمپ سے دستبردار ہو کر سری لنکا چلے گئے ہیں جہاں وہ لنکن پریمیئر لیگ کھیلیں گے۔ محمد حارث لنکن پریمیئر لیگ میں کینڈی فیلکن کی نمائندگی کریں گے۔
یاد رہے کہ کراچی میں قومی کرکٹرز کا پری سیزن کیمپ جاری ہے، کیمپ میں نوجوان کھلاڑیوں اور ٹیسٹ کرکٹرز کو ٹریننگ کروائی جارہی ہے۔ ریڈبال کوچ جیسن گلیسپی بھی جلد کیمپ کو جوائن کریں گے۔
