ایجبسٹن : ورلڈ چیمپئین شپ آف لیجنڈز ٹورنامنٹ میں پاکستانی ٹیم کے کپتان یونس خان نے ریٹائرڈ کرکٹرز کو قومی ٹیم کے کھلاڑیوں سے زیادہ فٹ قرار دیتے ہوئے کہا ہے کہ حالیہ ورلڈکپ میں پاکستانی ٹیم کی خراب کارکردگی کے بعد بہت سے شائقین مایوس ہیں۔
یونس خان نے کہا کہ ہماری موجودہ ٹیم بہت فٹ ہے، جب کوئی ٹیم نہیں جیتتی تو ایسی باتیں کہی جاتی ہیں اور شکست خوردہ ٹیم پر ملبہ گرانا آسان ہوتا ہے، یہی وجہ ہے کہ لوگ لیجنڈز کی پرفارمنس کو دیکھ کر خوش ہیں اور ہمارے بارے میں مثبت بات کر رہے ہیں۔
انہوں نے کہا کہ ہمارا مقصد ٹورنامنٹ جیتنا اور اپنے مداحوں کو خوش کرنا ہے، جنہیں ہم دوبارہ کھیل کی طرف راغب کرنے کی کوشش کررہے ہیں۔
