میڈرڈ (انٹرنیشنل ڈیسک) اسپین کے دوسرے بڑے شہر بارسلونا میں شہریوں نے سیاحوں کی بڑھتی تعداد کے خلاف احتجاجی مظاہرہ کیا اور مظاہرین نے ہوٹلوں میں بیٹھے سیاحوں پر پانی بھی پھینکا۔ واقعے کی وڈیو میں دیکھا جاسکتا ہے کہ مظاہرین پانی والی کھلونا پستولوں سے سیاحوں پر پانی پھینک رہے ہیں اور سیاح ان سے بچنے کے لیے اٹھ کر جارہے ہیں۔ مظاہرین نے سیاحوں کے خلاف پلے کارڈ اٹھا رکھے تھے اور وہ بارسلونا میں سیاحوں کی تعداد میں کمی کا مطالبہ کررہے تھے۔ ان کا موقف تھا کہ سیاحوں کی زیادہ تعداد نے اس شہر کو ناقابل رہائش بنا دیا ہے۔
