نئی دہلی(انٹرنیشنل ڈیسک) بھارتی وزیراعظم مودی کی جماعت بھارتیہ جنتا پارٹی کے رکن اسمبلی نے جیت کی خوشی میں اپنے ووٹرز کے لیے مفت شراب کی بوتل دینے کے اعلان کردیا،جس پر ان کے حامی ٹوٹ پڑے۔ بھارتی میڈیا کے مطابق کرناٹک میں بھارتیہ جنتا پارٹی کے نو منتخب رکن اسمبلی اور سابق وزیر کے سدھاکر نے اپنے حلقے سے کانگریس پارٹی کے امیدوار کو ایک لاکھ سے زائد ووٹوں سے شکست دی تھی۔ دعوت شراب میں خوب دھکم پیل ہوئی اور ہجوم کو قابو میں رکھنے کے لیے پولیس کی بھاری نفری طلب کی گئی۔ اس دوران 10 سے زائد افراد زخمی ہوگئے۔
