لندن (انٹرنیشنل ڈیسک) برطانیہ کے بادشاہ چارلس سوم نے لیبر حکومت کے نئے پارلیمان کا افتتاح کر دیا۔ اس موقع پر خطاب میں شاہ چارلس نے لیبر حکومت کے ایجنڈے کا اعلان کیا۔ انہوں نے فلسطین کے دو ریاستی حل کی حمایت جاری رکھنے اور مشرق وسطیٰ میں قیام امن کی کوششوں میں کردار ادا کرنے کے عزم کا اظہار کیا۔ روایت کے مطابق برطانوی شاہی خاندان کے سربراہ نے حکومت کی جانب سے لکھی گئی تقریر کی،جس میں اسٹارمر کے مرکزی نعرے’قومی تجدید‘ پر توجہ مرکوز کی گئی تھی۔ واضح رہے کہ یہ تقریب ریاست کے سربراہ کی حیثیت سے بادشاہ کے آئینی کردار کی علامت اور صدیوں پرانی روایت ہے۔
