ماتلی (نمائندہ جسارت) آل سندھ ٹیسٹ پاس ٹیچرز ایکشن کمیٹی اپنے مطالبات منظور نہ ہونے کی صورت میں احتجاجی تحریک شروع اور کراچی پریس کلب کے سامنے 8 روزہ احتجاجی کیمپ لگائے گی۔ یہ اعلان ایکشن کمیٹی کے رہنما رضوان رند، عابد علی راجپوت، ظفر عباس بھٹی، اکرام خاصخیلی، غلام رسول سولنگی اور غلام رسول آریسر نے پریس کلب میں پرہجوم پریس کانفرنس میں کیا۔ ایکشن کمیٹی کے رہنماؤں نے کہا کہ 2001 سے 2018 کے دوران یہ ٹیسٹ پاس کر کے بھرتی ہونے والے تمام اساتذہ کو مستقل، 3 سال کے پیریڈ کا انکریمنٹ دیا جائے، پرائمری اسکول ٹیچرز کا سروس اسٹرکچر اور پروموشن دیا جائے۔ انہوں نے کہا کہ ایکشن کمیٹی کی جانب سے پیش کیے جانے والے مطالبات کی منظوری تک پورے سندھ کے ہر چھوٹے بڑے شہر میں ہمارا احتجاج جاری رہے گا۔
