حیدرآباد (اسٹاف رپورٹر) میہڑ کے گوٹھ رحیم کھوسو کے رہائشی گلزار کھوسو نے بااثرافراد کی جانب سے 4 ایکٹر زمین پر قبضے کے خلاف حیدرآباد پریس کلب کے سامنے احتجاج کیا۔ اس موقع پر انہوں نے الزام عائد کیا کہ بااثر افراد دتو کھوسو، بخش کھوسو نے میری 4 ایکٹر زمین پر قبضہ کرکے فصل لگادی اور مسلح افراد کو بٹھا دیا، پولیس کے پاس فریاد داخل کرنے کے باوجود پولیس نے ملزمان کے خلاف کوئی کارروائی نہیں کی۔ انہوں نے ایس ایس پی دادو سے اپیل کی کہ بااثر بھتا خورو قبضہ مافیا سے زمین کو قبضہ ختم کراکر ہمیں انصاف اور تحفظ فراہم کیا جائے۔
