پیرس (انٹرنیشنل ڈیسک) فرانسیسی دارالحکومت میں ایک کار کیفے میں گھس گئی جس کے نتیجے میں ایک شخص ہلاک اور 6زخمی ہو گئے۔ خبررساں اداروں کے مطابق فرانس میں ان دنوں اولمپکس گیمز کے انعقاد کی تیاریاں عروج پر ہیں۔ اس لیے سیکورٹی انتظامات غیر معمولی ہیں۔ اس کے باوجود یہ واقعہ پیش آنا حیران کن ہے۔ پولیس کے مطابق کار ڈرائیور موقع سے بھاگنے میں کامیاب ہو گیا جبکہ گاڑی میں سوار اس کا ساتھی گرفتار کرلیاگیا ہے۔ پولیس کے مطابق کار سوار نشے کی حالت میں تھے۔ پولیس زیر حراست شخص سے تفتیش کررہی ہے۔
