سیول (انٹرنیشنل ڈیسک) شمالی کوریا کی طرف سے بھیجے گئے کچرے کے غبارے جنوبی کوریا کے صدارتی کمپاؤنڈ تک پہنچ گئے۔ سیول میں واقع صدارتی دفتر کی حفاظت پر سیکڑوں فوجی مامور ہیں اور وہ نو فلائی زون ہے۔ ذرائع ابلاغ کے مطابق کیمیکل، بائیولوجیکل اور ریڈیولاجیکل رسپانس ٹیم نے کوڑے سے بھرے غباروں کو محفوظ طریقے سے اکٹھا کیا۔ تحقیقات کے بعد اس بات کی تصدیق کی گئی کہ اس میں کوئی بھی خطرناک چیز نہیں تھی۔ حکومت کی جانب سے شہریوں کو ہدایت کی گئی ہے اگر کوئی گرے ہوئے غبارے نظر آئیں تو انہیں ہاتھ نہ لگائیں اور قریبی فوجی یونٹ یا پولیس اسٹیشن کو اطلاع دیں۔
