راولپنڈی:بلوچستان کے ضلع ہوشاب میں سیکیورٹی فورسز نے خفیہ اطلاعات پر آپریشن کیا، جس میں ایک دہشت گرد ہلاک ہوگیا۔
پاک فوج کے شعبہ تعلقات عامہ آئی ایس پی آر کے مطابق آپریشن کے دوران شدید فائرنگ کے تبادلے میں علی جان نامی دہشت گرد ہلاک ہوگیا جبکہ 2 دہشتگرد زخمی گرفتار کرلیے گئے،ہلاک دہشتگرد کے قبضے سے اسلحہ، گولہ بارود اور دھماکا خیز مواد برآمد ہوا ہے۔
آئی ایس پی آر کے مطابق ہلاک دہشتگرد اغوا اور ٹارگٹ کلنگ کی متعدد دہشتگرد کارروائیوں میں ملوث تھا، علاقے میں دیگر ممکنہ دہشت گردوں کے خاتمے کے لیے کلیئرنس آپریشن جاری ہے۔
