لاہور: شہری نے 126 بجلی یونٹس کے لیے ایک لاکھ 43 ہزار روپے کا بل آنے پر لیسکو کے خلاف لاہور ہائی کورٹ سے رجوع کرلیا۔
رپورٹ کے مطابق شہری کا بتانا ہے کہ لیسکو حکام نے 126 یونٹس کے لیے ایک لاکھ 43 ہزار کا بل بھیج دیا جس پر شہری نے درخواست بھی لکھی۔
درخواست میں سی ای او لیسکو اور ڈی جی ایف آئی اے کو فریق بنایا گیا ہے۔
درخواست گزار کا موقف ہے کہ 126 یونٹس کے لیے ایک لاکھ 43 ہزار کا بل درست کرنے کیلیے رابطہ بھی کیا گیا اس کے باوجود بل درست نہیں کیا۔
درخواست گزار کا کہنا ہے کہ علاقے میں بہت سے لوگ بجلی چراتے ہیں جس کا بوجھ دوسروں پر ڈال دیا جاتا ہے۔
خسارے کی وصولی باقاعدگی سے بل ادا کرنے سے کی جاتی ہے۔ لائن لاسز اور دیگر نقصانات کا ذمہ دار ہمیں ٹھرا دیا جاتا ہے۔
