امریکا: کیلیفورنیا کے جنگلات میں آگ لگنے سے غیر معمولی نقصان کے بعد اب نیو یارک سٹی میں آتشزدگی سے 7 مکانات راکھ اور ملبے کا ڈھیر ہوگئے ہیں۔ 11 فائر فائٹرز سمیت 14 افراد جھلس کر زخمی ہوئے ہیں۔
جلنے والے مکانات کے مکینوں نے بتایا کہ سب کچھ جل کر خاک ہوگیا، کچھ بھی نہیں بچا۔ فائر ڈپارٹمنٹ آف نیو یارک کے ایک بیان کے مطابق آگ فرانسس لیوئس بلیوارڈ کے کوئینز ولیج میں لگی۔ درجنوں مکین بے گھر ہوگئے ہیں۔
امدادی کارروائیاں جاری ہیں۔ کسی بھی مکان کو بچایا نہیں جاسکا تاہم متاثرین کو وہاں سے نکال لیا گیا۔ کسی جانی نقصان کی اطلاع نہیں ملی۔ حکومت بے گھر افراد کے قیام و طعام کے انتظامات کر رہی ہے۔
