لندن(انٹرنیشنل ڈیسک) برطانیہ کے علاقے لیسٹر اسکوائر میں ایک شخص نے 2راہگیروں پر چاقو سے حملہ کردیا۔ برطانوی میڈیا کے مطابق پولیس نے زخمیوں کو ابتدائی طبی امداد دینے کے بعد اسپتال منتقل کردیا ہے۔ زخمیوں میں 11 سالہ بچی اور ایک 34 سالہ خاتون شامل ہے،جس کی حالت نازک بتائی جا رہی ہے۔ حملہ اس علاقے میں کیا گیا جہاں عوام کی بڑی تعداد موجود تھی۔ پولیس کا کہنا ہے کہ تفتیشی عمل جاری ہے تاہم حملے کے محرک سے متعلق کچھ نہیں کہہ سکتے۔ فوری طور پر حملہ آور اور متاثرین میں کوئی تعلق ثابت نہیں ہو سکا۔یاد رہے کہ ایک ہفتے سے لندن کے علاقوں میں نسلی فسادات جاری ہیں۔
