کراکس (انٹرنیشنل ڈیسک) جنوب امریکی ملک وینزویلا میں گیس سلنڈر کے دھماکے کے نتیجے میں 2 بچوں سمیت 7 افراد ہلاک اور 22 زخمی ہو گئے ۔ خبررساں اداروں کے مطابق صوبہ میراندا کے علاقے یونین دے پیٹر کی عمارت میں گیس کا سلنڈر پھٹ گیا۔ دھماکے کی شدت سے 3 منزلہ رہایشی عمارت بھی زمین بوس ہو گئی ،جب کہ واقعے میں 2 شیر خوار بچے ہلاک ہوگئے۔ حادثے میں زخمی افراد کی حالت نازک ہے اور ہلاکتوں میں اضافے کا خدشہ ہے۔ حکام کا کہنا ہے کہ واقعے کی تحقیقات شروع کردی گئی ہے، تاہم ابتدائی طور پر سلنڈر پھٹنے کی کوئی وجہ سامنے نہیں آسکی۔
