اسلام آباد (صباح نیوز) وفاقی کابینہ نے نجکاری کمیشن سے آئل اینڈ گیس ڈویلپمنٹ کمپنی کے شیئرز کی واپس منتقلی کے معاملے پر نائب وزیر اعظم اسحق ڈار کی سربراہی میں 5 رکنی کمیٹی تشکیل دے دی۔ تشکیل کردہ کمیٹی 7روز میں رپورٹ وزیراعظم اور وفاقی کابینہ کو پیش کرے گی۔کابینہ کمیٹی ارکان میں وزیر خزانہ محمد اورنگزیب، وزیر اقتصادی امور احد چیمہ، وزیر پیٹرولیم مصدق ملک اور وزیر نجکاری علیم خان شامل کیے گئے ہیں۔کابینہ کمیٹی کے ٹی او آرز بھی طے کردیے گئے ہیں، کمیٹی او جی ڈی سی ایل کے شیئرز پر حتمی فیصلہ اور شیئرز کی منتقلی کا قانونی راستہ تجویز کرے گی۔
