ماسکو(انٹرنیشنل ڈیسک) روس کے جنوبی علاقے روستوف میں ڈیزل ڈپو میں آگ لگ گئی جس نے کئی ٹینکوں کو لپیٹ میں لے لیا۔ خبررساں اداروں کے مطابق یوکرینی فوج کے ڈرون حملے سے ڈیزل ڈپو میں آگ بھڑک اٹھی تھی۔ حکام کا کہناہے کہ ضلع پرولیٹارسک میں ایندھن کے 74 میں سے تقریباً 20 ٹینک آگ کی لپیٹ میں آ چکے ہیں۔ دوسری جانب برطانیہ نے یوکرین کو روس کے اندر تباہ کن میزائل کے استعمال سے روک دیا۔ اس سلسلے میں برطانوی وزیر اعظم کیئر سٹارمر کو دباؤ کا سامنا ہے کہ وہ یوکرین کی طرف سے اسٹارم شیڈو میزائلوں کے استعمال پر عائد پابندیوں کو ہٹا لیں۔
