برلن (انٹرنیشنل ڈیسک) جرمن شہرگیلن کرشن میں واقع ناٹو کے فضائی اڈے پر خطرے کا درجہ بڑھا دیا گیا ۔ ناٹو اواکس نے سوشل میڈیا ایکس پر اپنی پوسٹ میں بتایا ہے کہ موصول شدہ خفیہ معلومات کے نتیجے میں اس فضائی اڈے پرحفاظتی اقدامات کا درجہ بڑھا دیا گیا ہے اور غیر ضروری ملازمین کو گھروں میں رہنے کی تلقین کی گئی ہے۔ پوسٹ میں یہ بھی بتایا گیا ہے کہ فضائی اڈے پر آپریشن معمول کے مطابق جاری رہے گا۔
