نوشہرو فیروز (نمائندہ جسارت) شہید بینظیر بھٹو یونیورسٹی شہید بینظیر آباد کے شعبہ آرٹس اینڈ ڈیزائن کے طلباء و طالبات نے دھرتی کی مٹی، رنگ برش اور پنسل کے استعمال سے بنائی گئی تصاویر اور مجسموں کی نمائش کا انعقاد کیا، جس میں گرافکس آرٹس، ایمینیشن اور کپڑوں کو بھی نمائش کا حصہ بنایا گیا۔ پروگرام کا افتتاح وائس چانسلر پروفیسر ڈاکٹر مدد علی شاہ نے کیا۔ افتتاح کے دوران انہوں نے طلباء کی کاوشوں کو سراہتے ہوئے کہا کہ اس طرح کی سرگرمیوں سے تخلیقی صلاحیتوں میں اضافہ اور طلباء میں مقابلے کا جذبہ بڑھتا ہے۔ اس قسم کی نمائشیں فنون لطیفہ کے علم اور تکنیکی مہارتوں کو فروغ دینے میں اہم کردار ادا کرتی ہیں۔
