پشاور: گورنر خیبر پختونخوا ( کے پی کے ) فیصل کریم کنڈی نے ایک بار پھر وزیراعلی علی امین گنڈاپور سے اعتماد کا ووٹ لینے کا مطالبہ کیا ہے۔
میڈیا رپورٹس کے مطابق فیصل کریم کنڈی نے کہا ہےکہ دو تہائی اکثریت والے وزیراعلی اپنی اسمبلی میں جانے سے کترا رہے ہیں،میرے پاس سمری آئی ہے لیکن اس پر پائوں نہیں رکھوں گا کیوں کہ ابھی کسی قانونی ماہرین سے مشاورت نہیں کی، لوگ مجھے ٹیلی فون کر رہے ہیں کہ سمری کا کیا ہوا؟
انہوں نے کہا کہ وزیر اعظم ہاؤس اور گورنر ہاؤس کو یونیورسٹی میں تبدیل کرنے والوں کی جانب سے جامعات کی اراضی فروخت کی جارہی ہے، دوسروں صوبوں کے ساتھ مقابلے کرنے والوں نے جامعات کے لیے صرف 3 ارب روپے مختص کئے ہیں جب کہ 26 جامعات میں وائس چانسلر تک نہیں ہے۔
