لاہور:سابق ٹیسٹ کرکٹر باسط علی کا کہنا ہے کہ میں کسی سے ڈرتا نہیں اور کھل کر کہتا ہوں کہ بنگلہ دیش کے خلاف دوسرے ٹیسٹ میچ سے شاہین شاہ آفریدی کو سزا کے طور پر ڈراپ کیا گیا، شاہین کو شاہد آفریدی کی وجہ سے سزا دی گئی۔
سابق ٹیسٹ کرکٹر نے کہا کہ پہلے تو ہم نے پچوں کی ریڈنگ ہی غلط کی، دونوں ٹیسٹ میچز کی پچز میں بہت فرق تھا، دوسرے میچ کی پچ فاسٹ بولرز کو سوٹ کر رہی تھی۔
انہوں نے مزید کہاکہ جب پہلے ٹیسٹ میچ میں شاہین آفریدی نے 32، 33 اوور کرا لیے تھے، وہ ردھم میں آچکے تھے اور وکٹیں بھی لی تھیں تو پھر دوسرے میچ کے لیے انہیں ڈراپ کرنے کا کیا جواز تھا؟
