کینبرا (انٹرنیشنل ڈیسک) آسٹریلیا کے سیکورٹی حکام کو ایک ایسے مشتبہ شخص کی بین الاقوامی سطح پر تلاش ہے جس نے ایک پارک میں شیر خوار بچے پر گرم گرم کافی انڈیل دی اور ملک سے فرار ہوگیا۔ کوئینز لینڈ پولیس کا کہنا ہے کہ بزدل اور سنگدل شخص پارک میں موجود گھرانے کے پاس پہنچاجس کے ساتھ اس کا کوئی تعلق نہیں تھا ۔ اس کے بعد وہ نہ صرف جائے وقوع سے فرار ہوا بلکہ ملک ہی چھوڑ دیا۔ پولیس نے عالمی وارنٹ جاری کردیے ہیں۔
