پشاور: خیبر پختونخوا میں سرکاری وکلا کی ہڑتال دوسرے روز بھی جاری رہی، جس کی وجہ سے عدالتی امور متاثر ہو رہے ہیں۔
تفصیلات کے مطابق ہڑتال کے باعث نئے مقدمات میں پیش رفت بھی نہیں ہورہی پرانے مقدمات ٹرائلزنہ ہونے سے قیدیوں کو شیدی مشکلات کا سامنا ہے اور جیلے بھی بڑھنے لگی ہیں۔
ذرائع کے مطابق ہڑتال کی وجہ سے صوبے میں پراسیکیوشن، پولیس اور سی ٹی ڈی کا مقدمات کے دوران باہمی تفتیش کا عمل رک گیا ہے، مقدمات کی جانچ پڑتال بھی رک گئی۔
ذرائع کا کہنا تھا کہ ہڑتال کی وجہ سے ضمانت کی درخواستوں پر کارروائی نہ ہونے کے باعث ہزاروں ملزمان سلاخوں کے پیچھے رہیں گے۔ ہزاروں ٹرائلز کیسز میں استغاثہ گواہان کے بیانات ریکارڈ نہیں ہو پا رہے۔
اس حوالے سے پراسیکیوشن آفیسرز ویلفیئر ایسوسی ایشن خیبر پختونخوا کا کہنا تھا کہ مطالبات تسلیم نہ ہونے تک سرکاری وکلا کی ہڑتال جاری رہے گی۔
