اسلام آباد: صدر مملکت آصف علی زرداری 2 روزہ دورے پر ترکمانستان پہنچ گئے۔
صدر پاکستان کا اشک آباد ایئرپورٹ پر ترکمانستان کے ڈپٹی پرائم منسٹر باتر امانوو نے استقبال کیا جبکہ آصف علی زرداری کو پھول پیش کئے گئے۔
صدر آصف علی زرداری ترکمانستان کے قومی شاعر مخدوم گلی فراغی کی 300 ویں سالگرہ کی مناسبت سے ہونے والے بین الاقوامی فورم سے خطاب کریں گے۔
صدر پاکستان عالمی فورم میں شرکت کر کے اتحاد اور فروغ امن پر بات کریں گے۔فورم میں شرکت کے دوران صدر پاکستان کی ترکمانستان کی اعلیٰ قیادت سمیت سائیڈ لائنز ملاقاتیں بھی متوقع ہیں۔
