سیول (انٹرنیشنل ڈیسک) جنوبی کوریا کی معروف مصنفہ ہان کانگ کو 2024 ء کا نوبیل انعام برائے ادب دے دیا گیا ۔ ان کو یہ اعزازان کی شاعرانہ نثر پر دیا گیا،جو تاریخی سانحات کی عکاسی کرتی ہے اور انسانی زندگی کی ناپائیداری کو بے نقاب کرتی ہے۔ ہان کانگ 1970 میں جنوبی کوریا کے شہر گوانگجو میں پیدا ہوئیں اور 9سال کی عمر میں اپنے خاندان کے ساتھ سیول منتقل ہو گئیں۔ ان کا ادبی پس منظر ہے کیونکہ ان کے والد بھی مشہور ناول نگار ہیں۔ انہوں نے 1993 ء میں شاعری سے اپنے ادبی سفر کا آغاز کیا اور 1995 میں اپنے اولین افسانوی مجموعے کے ذریعے نثر نگاری میں قدم رکھا۔
