کراچی: وزیر بلدیات سندھ سعید غنی نے کہا ہے کہ سب کی مشاورت سے آئینی ترمیم ہوگی، کوئی جماعت اپنی مرضی کی تجاویز مسلط نہیں کرسکتی۔
میڈیا سے گفتگو کرتے ہوئے وزیر بلدیات سعید غنی کا کہنا تھا کہ 18 اکتوبر کو دہشت گردی کا واقعہ دنیا کا بڑا واقعہ تھا، شہدا کے ذکر کے بغیر جمہوریت کی بات مکمل نہیں ہو سکتی۔
سعید غنی نے کہا ہے کہ آئینی ترمیم کے لیے آئین میں طریقہ کار موجود ہے، پی ٹی آئی والے ترمیم چاہتے ہیں لیکن کھل کر نہیں بول رہے، پی ٹی آئی نے سپریم کورٹ کے ججز کو متنازع بنایا۔
ان کا مزید کہنا ہے کہ سب کی مشاورت سے آئینی ترمیم ہوگی، کوئی جماعت اپنی مرضی کی تجاویز مسلط نہیں کر سکتی۔
